انتهت اللعبة

78948595520704665487

من وجهة نظر لاعب للألعاب “الحاسوبية” لما نتخيل الكون لعبة محاكاة كبيرة، نفكر كيف حنقدر نعيّش هالكائنات على مصدر طاقة مصيره النضوب ومانلقاش حل إلا الطاقة الشمسية.

السؤال هو علاش ليبيا ماتحولتش للطاقة الشمسية وعلاش فلوس النفط مايمشيش جزء كبير منها لتطوير هالمجال؟

خيرهم فلوس النفط كلهم ماشيات معاشات!؟ الناس اللي تاخد في هالمعاشات ماعندهاش إنتاج؟

قصدي اني هكي توا في لعبة محاكاة، مش في العالم الواقعي، عندي مصدر طاقة محدود وينقص مايزيدش، والناس تصرف منه في معاشات اللي هي تمشي في الماكلة واللبس اللي مصيرها النضوب والإختفاء والإنتهاء، فعلاش نصرف عليها من غير ماإيجيني شي منها؟

يعني هالناس هادي كلها تخدم في قطاع النفط؟ طبعاً لا!

قصدي كان مانستثمرش فلوس النفط في مصدر طاقة بديل ونشد هالبشر نقسمها بين منتج وعالة، ونصنفها ونحاول نخلي العالة منتج والمنتج ينتج أكثر بحوافز، كان هذا واضحة نشوف في اللامبة الحمرا تأشّر وقريب إيصيرلي Game Over.

المشكلة الفرق بين الواقع واللعبة إنه في الواقع مافيش Continue ولا في Save Game وكان تمت اللعبة معناها خلاص عليك.

قصدي ياريتها الدنيا لعبة ولا؟

Advertisements

فكرة واحدة على ”انتهت اللعبة

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s