سنة جديدة وخمس رصاصات

أثناء إطلاق الرصاص

أثناء إطلاق الرصاص

بديت السنة الجديدة بموقف مع ولد جارنا اللي ضرب 5 رصاصات في الهواء من كلاشن صديقه.. (الموضوع عندي مسجل فيديو)، وعلى أساس إحتفال بالسنة الجديدة ولا مافهمتش علاش.. المهم اللي صار إني طلعتله من البلكونة وصار الحوار التالي:

أني: سنة جديدة زعميته نبوها من غير رصاص!
هو: (كلام مش مفهوم)
أني: السنة نبوها نظيفة قبل!
هو: والله آهو تشبح فيهم، الرصاص يطيح هني في الحوش، (كلام مش مسموع) تسمع فيه؟
أني: باهي علاش تزيد فيها إنتا؟
هو: نزيد فيها؟
أني: إيه!
هو: الله أكبر!.. الله أكبر ولله الحمد!
أني: حني نبوها سنة نظيفة، نمشو نبدوها بالرصاص؟
هو: (كلام مش مفهوم) تصور في الناس النظيفة؟ إنت مامشيتش تصور في القيادة! خلينا بالله!
أني: تي شن دخلي فيهم؟ أني علاش ندير الغلط؟
هو: تصبح على خير وكل سنة وإنت طيب!
أني: ………………!

شن بتقوله توا هذا هي؟ المشكلة إنه صغير في العمر وبالفعل مش هو بس اللي مداير الغلط في البلاد.

المهم بعد شوية مشي هو وصاحبه كل واحد في طريق.

Advertisements

7 أفكار على ”سنة جديدة وخمس رصاصات

  1. لا حول ولا قوة الأ بالله….كان كل حد يبدئ بنفسه كان مش هكي حآآآل البلآآآد.

    تبي لنا اخلاقيات جديدة وسلوكيات جديدة,

    إعجاب

  2. ربي يهدي العباد توا هذا قول صغير باهي الكبار شن عذرهم !!! الصغير ليه كبير نتكلموا معاه .. والكبير شن الحل معاه !! مش عارفه هالتغيرات في سلوكيات العباد اللي ماشية بينا وبالبلاد للاسواء رانا عندنا انحدار شديد في الاخلاق والقييم الانسانيه بان بشكل رهيب والتحسين والالتزام يبداء من داخل نفوس العباد , المسؤوليه اولآ من نفسي لو حس كل واحد قداش تغيره في سلوكايته يشكل فرق كبيرة الجميع هايتغير حتى اللي مش حاب الالتزام هيتغير ويلتزم لانه مش هيحب يكون نشاذ ويغرد خارج السرب ◠‿◠ ..
    بجديات ربي يحمي البلاد ويهدي العباد لما يحبه ويرضاه .

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s